Pertaol:Stellingwarf

Oet Wikipedie, de vraaie enzyklopedie
Gao naor: navigasie, zeuk

Vlagge van Weststellingwarf     Pertaol: De Stellingwarven    Vlagge van Ooststellingwarf

De Stellingwarven

Vlagge van de Stellingwarf

Welkom bi'j de pertaol veur de Stellingwarven! Hier ku'j een protte vienen wat over de Stellingwarven gaot, en ok nog in et Stellingwarfs schreven is. D'r bin al 521 artikels in et Stellingwarfs!

Kiek ok mar es op:

Geografie

Lendevallei
Kaartien

De Stellingwarven bestaon uut Weststellingwarf en Ooststellingwarf in de perveensie Frieslaand. In et zuden vormt de Lende grofweg de greens tussen Stellingwarf en Overiessel, de noordgreens wodt grotendiels vormt deur de Kuunder. De Bosbarg in et Nationaol Park Drents-Friese Woold is mit 26,6 meter et hoogste punt van de Stellingwarven. Twie aandere natuurgebieden die diels in de Stellingwarven liggen bin de Rottige Meente en et Fochtelervene. De grootste Stellingwarver dörpen bin: Wolvege, Oosterwoolde, Appelsche, Noordwoolde, Haulerwiek en Berkoop. Grotere plakken in de omkrieten van de Stellingwarven bin: De Lemmer, Et Vene en Stienwiek.

Stelingwarfs artikel van de maond

Political map of Canada.png

Kannede is een laand in et noordelike diel van Noord-Amerike. An de zuudkaante wodt et begreensd deur de Verienigde Staoten van Amerike, an de oostkaante deur de Atlantische Oceaan, an de westkaante deur et Amerikaanse Alaska en de Stille Oceaan en in et noorden deur de Arctische Oceaan. De naeme Kannede komt van et Indiaanse Kanata (= nederzetting). De heufdstad van Kannede is Ottawa. De grootste steden bin Toronto en Montreal. Et staotsheufd van Kannede is de Britse keuningin Elizabeth II, vertegenwoordigd in Kannede deur de Gouverneur-Generaol. Kannede is lid van et Gemienebest van Naosies. De heufdreligie van Kannede is et kristendom (77%). >>

Geschiedenis

State

Meensken

Peter Stuyvesant (kloniaol bestuurder) - Onno Zwier van Haren‎ (politikus en dichter) - Monique Knol (hadfietster) - Gerrit de Vries (hadfietser) - Hendrik Johannes Bergveld (schriever) - Johan Veenstra (schriever) - Carolien Hunneman (zangeresse)

Wus ie al dat...?

  • De Stellingwarven heur in de middelieuwen vri'jvochten hebben van et Oversticht en heur daornao tot de vri'je Friese lanen rekenden?
  • In de Stellingwarven een wereldkampioen en een winner van olympisch goold geboren binnen?
  • De dialektvariaanten in een groot diel van et Stienwiekerlaand (Ov.) en een diel van de Drentse gemiente Westerveld ok wel tot et Stellingwarfs rekend wodden?
  • In et Stellingwarver Laandrecht een zwaore straf rustte op elke inbreuk op de Friese vri'jhied?

Tael & kultuur in de Stellingwarven

Taelgreensmonument

In de Stellingwarven wodt vanoolds Stellingwarfs praot. Et Stellingwarfs is een Friso-Saksische tael en een variant van et Nedersaksisch. In de negentiende en twintigste ieuw mos et dialekt an et Nederlaans en et Fries terrein votgeven.